بیرکسیم قالمادی هئچ قالمیاجاق مــــن بیلیرم

بوقالانلاردا سؤزوم سالمییاجاق مــــن بیلیرم

چمن عشقیمین اودلاری سارالــــدی قورودی

قؤرویان اودلاری جان تاپمییاجاق من بیلیرم


من قوری بیر آغاجام آفت ایاقدان چیخادیب

باغیبان گؤرسه نازیم آلمییاجاق مــن بیلیرم


گؤزلریم یولّارا باخدیقجا هوســلر چوخالیر

گرتوشم من یولا کس یانمییاجاق من بیلیرم


من اؤزعشقیمده کی مظلوملوغی گوردیم نه دئییم

داها بو عشقی آلان اولمییاجاق مــــــــــــن بیلیرم


چوخ زمان دور گؤیه من هی باخیرام آی گوروشه

مه دومان دوشمان اولوب قویمییاجاق مــــن بیلیرم

چاتمادی لیلییه مجنون ناغیل غملی قالیــــــــــــــب

یارینا عاشق اولان چاتمییاجاق مـــــــــــــن بیلیرم


عمریدن قالمادی ، خوش گونلریمیز هاردا قالیب

داها گونلر بیزه خوش باخمییاجاق مــــــن بیلیرم

گون به گون درد گلیر قلبیمه چوخ قـــان ییغیشیر

( ...) یِنَ دای اورگی چالمییاجاق مـــــــن بیلیرم